គោលការណ៍ឯកជនភាព

១. អ្នកគ្រប់គ្រងទិន្នន័យ និងវិសាលភាព

កិត្យា ប៊ិហ្សនេស ខនសាល់ធីង (“KITYA”, “យើង”) ជាអ្នកគ្រប់គ្រងប្រតិបត្តិការនៃទិន្នន័យដែលអ្នកផ្ញើតាមវេបសាយ និង APP។ គោលការណ៍នេះអនុវត្តចំពោះអ្នកមើលវេប បេក្ខជន និយោជក អ្នកលក់ អ្នកទិញ អតិថិជនសេវាប្រឹក្សា និងអ្នកប្រើ APP។ វាមិនគ្របដណ្ដប់លើវេបភាគីទីបីដែលអ្នកចុចចេញទៅទេ។

២. ប្រភេទទិន្នន័យដែលយើងអាចប្រមូល

សូមកុំផ្ញើលេខសម្ងាត់ធនាគារ លេខកាតទូទាត់ ព័ត៌មានសុខភាព ឯកសារអត្តសញ្ញាណ ឬទិន្នន័យរសើបដែលមិនចាំបាច់។ បើត្រូវការឯកសារបែបនេះ KITYA នឹងស្នើដោយឡែក និងពន្យល់គោលបំណងជាមុន។

៣. មូលហេតុ និងគោលបំណងប្រើប្រាស់

• ឆ្លើយសំណួរ និងផ្ដល់សេវាដែលអ្នកស្នើ។
• សម្របសម្រួលការដាក់ពាក្យ ការជ្រើសរើស និងការទាក់ទងរវាងបេក្ខជននិងនិយោជក។
• ពិនិត្យ អនុម័ត បដិសេធ ឬបិទដំណឹងការងារ និងទំនិញ។
• ដំណើរការសំណើ ការបញ្ជាទិញ ការដឹកជញ្ជូន និងការគាំទ្រអតិថិជនដែលពាក់ព័ន្ធ។
• ការពារ Spam ការក្លែងបន្លំ ការចូល Admin មិនត្រឹមត្រូវ និងហានិភ័យសុវត្ថិភាព។
• ថែទាំ បម្រុងទុក វិភាគកំហុស និងកែលម្អសេវា។
• អនុវត្តកិច្ចសន្យា កាតព្វកិច្ចច្បាប់ ឬឆ្លើយតបសំណើស្របច្បាប់ពីអាជ្ញាធរ។

ការប្រើប្រាស់ផ្អែកលើការយល់ព្រមរបស់អ្នក ការអនុវត្តសំណើ/កិច្ចព្រមព្រៀង ផលប្រយោជន៍ស្របច្បាប់ក្នុងការដំណើរការនិងការពារសេវា និងកាតព្វកិច្ចច្បាប់ដែលអនុវត្ត។ អ្នកអាចដកការយល់ព្រមសម្រាប់ការប្រើប្រាស់នាពេលអនាគត ប៉ុន្តែមិនធ្វើឱ្យសកម្មភាពដែលបានធ្វើស្របច្បាប់មុនពេលដកយល់ព្រមក្លាយជាមិនត្រឹមត្រូវទេ។

៤. អ្នកដែលអាចទទួលទិន្នន័យ

• និយោជកដែលបានពិនិត្យ៖ ទទួលព័ត៌មានបេក្ខជនតែសម្រាប់មុខតំណែងពាក់ព័ន្ធ និងតាមការយល់ព្រម/សំណើរបស់បេក្ខជន។
• បេក្ខជន និងសាធារណៈ៖ មើលតែព័ត៌មានការងារដែលបានអនុម័ត; មិនអាចមើលទិន្នន័យឯកជនរបស់ក្រុមហ៊ុន ឬបេក្ខជនផ្សេងទៀត។
• អ្នកផ្គត់ផ្គង់បច្ចេកទេស៖ Hosting, storage, email, messaging, security ឬ analytics តាមកម្រិតចាំបាច់ និងក្រោមកាតព្វកិច្ចការពារ។
• អ្នកលក់/ដឹកជញ្ជូន៖ ទទួលព័ត៌មានចាំបាច់សម្រាប់សំណើ ឬការបញ្ជាទិញពាក់ព័ន្ធ។
• អាជ្ញាធរ ឬទីប្រឹក្សាវិជ្ជាជីវៈ៖ នៅពេលច្បាប់ទាមទារ ការពារសិទ្ធិ ឬដោះស្រាយវិវាទ។

KITYA មិនលក់ CV លេខទូរស័ព្ទ អ៊ីមែល ឬទិន្នន័យផ្ទាល់ខ្លួនរបស់អ្នកទៅឱ្យភាគីទីបីទេ។ ប្រសិនបើអ្នកផ្គត់ផ្គង់បច្ចេកទេសរក្សាទុកទិន្នន័យក្រៅកម្ពុជា យើងនឹងប្រើវិធានការសមស្របតាមដែលអាចអនុវត្តបាន ដើម្បីការពារទិន្នន័យនោះ។

៥. រយៈពេលរក្សាទុក

រយៈពេលអាចវែងជាងនេះនៅពេលច្បាប់តម្រូវ មានវិវាទ ការស៊ើបអង្កេតសុវត្ថិភាព ឬចាំបាច់ការពារសិទ្ធិ។ បន្ទាប់ពីផុតរយៈពេល យើងលុប អនាមិក ឬដាក់ឯកសារក្នុងស្ថានភាពមិនប្រើប្រាស់។

៦. សិទ្ធិ និងជម្រើសរបស់អ្នក

អ្នកអាចស្នើ៖ ចូលមើលច្បាប់ចម្លង កែព័ត៌មានខុស លុបទិន្នន័យ ដកការយល់ព្រម បញ្ឈប់ការទាក់ទងទីផ្សារ សួរអំពីប្រភព/អ្នកទទួល និងដាក់បណ្ដឹង។ សូមអនុវត្តតាម នីតិវិធីកែ និងលុបទិន្នន័យ។ យើងអាចស្នើការផ្ទៀងផ្ទាត់អត្តសញ្ញាណ ដើម្បីការពារមិនឱ្យអ្នកដទៃលុប ឬទទួលទិន្នន័យរបស់អ្នក។

៧. សុវត្ថិភាព និងការរំលោភទិន្នន័យ

យើងប្រើ HTTPS នៅ Production, ការពារ Admin ច្រើនជាន់, Session/CSRF, កំណត់សិទ្ធិចូលប្រើ, បិទថតទិន្នន័យពីសាធារណៈ, backup និងកំណត់ត្រាសុវត្ថិភាព។ CV ត្រូវបានផ្ទៀងផ្ទាត់ប្រភេទ/ទំហំ ស្កេនមាតិកាសង្ស័យ អ៊ិនគ្រីបក្នុង Private Storage និងកត់ត្រា Audit ពេល Admin មើល ទាញយក ឬកត់ត្រាចែក។ ព័ត៌មានទំនាក់ទំនងរបស់បេក្ខជន ក្រុមហ៊ុន និងអ្នកលក់មិនត្រូវបង្ហាញតាម Public API ទេ។ គ្មានប្រព័ន្ធណាធានាសុវត្ថិភាព ១០០% ទេ។ ប្រសិនបើមានហេតុការណ៍ដែលអាចប៉ះពាល់ខ្លាំង យើងនឹងទប់ស្កាត់ ស៊ើបអង្កេត និងជូនដំណឹងដល់អ្នកពាក់ព័ន្ធ/អាជ្ញាធរតាមដែលសមស្រប និងច្បាប់តម្រូវ។

៨. កុមារ តំណខាងក្រៅ និងការកែប្រែ

សេវាទូទៅមិនមានគោលបំណងប្រមូលទិន្នន័យពីកុមារដែលមិនអាចផ្ដល់ការយល់ព្រមស្របច្បាប់បានទេ។ អ្នកក្រោមអាយុ ១៨ ឆ្នាំគួរប្រើជាមួយឪពុកម្តាយ/អាណាព្យាបាល និងតាមច្បាប់ការងារ។ តំណទៅ Telegram, Facebook, TikTok, Google និងសេវាផ្សេងៗស្ថិតក្រោមគោលការណ៍របស់ពួកគេ។ ពេលកែគោលការណ៍នេះ យើងនឹងប្ដូរកាលបរិច្ឆេទ និងជូនដំណឹងបើការកែប្រែមានសារៈសំខាន់។